1. DIV. FOTBALL MENN
15. SERIERUNDE

Sandefjord 1 (0)
Bryne 0 (0)

1-0 Kjartan Finnbogason (73)

Komplett.no arena, 20. juni
Dommar: Ole Kamben, Bamle IL. Flink til å bruka fordelsparagrafen, og let spillet gli, god kamp.

Tilsk: 3898

Sandefjord: (4-4-2)
Espen Bugge Pettersen, Olav Zanetti, Birger Madsen, Alexander Gabrielsen, Kari Arkivov - Erik Mjelde, Tommy Stenersen, Espen Nystuen, Samuel Isaksen - Malick Mane (Ebrima Sohna frå 81.), Kjartan Finnbogason (Eirik Markegård frå 85.).

Bryne (4-4-1-1): Roger Eskeland  - Carlos Johnson (Håvard Sakariassen frå 87.), Ronny Espedal, Chris Rodd , Ole Martin Tunheim, Ezekiel Bala (Vegar Landro frå 60.)
 - Christian Gauseth, Tommy Eide Møster - (Kai Ove Stokkeland frå 22.), Cato Hansen
 - Trygve Åse Lunde  - Allan Borgvardt

Ikkje nytta: Anders Kristiansen, Baldur Sigurdsson, Alexander Midtsian, Daniel Torres.

Bryne var farleg framme i fyrste omgang. I andre tok Sandefjord over kampen, og laga det avgjerande målet.

– Må ta vare på sjansane
Brynetrenar Rolf Teigen var litt skuffa, men ingen slagen mann etter tapet i Sandefjord.

– Alt i alt vann Sandefjord fortent i dag, seier Teigen.

– Det er periodar kor me blir litt for upresise i spelet vårt, men likevel tykkjer eg at vi har dei siste sjansane før pause, og me bør gå til kvila med 1-0-leiing.

Teigen hadde før kampen rekna med at det blei ein jamn kamp.

– Dessverre blir det slik at det laget som scorar fyrst vinn. I andre omgang slit me med å kome rundt på kantane. Dei kjem òg for lett inn i rommet bak.

Roger Eskeland understrekar at det er viktig å ta vare på sjansane når ein speler slike kampar.

– I fyrste omgang har me 2-3 100 prosent sjansar, det er slike me må ta vare på om me skal ta poeng. I andre omgang skapar me ikkje stort, men me står i mot. Sjølv om flicken til Sandefjord-spelaren var bra, skal me kunne demme opp for målet òg om berre markeringa er bra nok. Men når me ikkje tar vare på sjansane kan det ikkje bli poeng, seier Eskeland.

Ole Martin Tunheim spela i går sin fyrste kamp frå start på ei stund. Han sleit litt i fyrste, men spela seg opp i andre, dels hjelpt av at Sandefjord stokka om på angrepet.

– Det var godt å få ein kamp i beina igjen. Me datt litt bakpå etter kvila, kanskje fordi med er redde for at dei vil slå lange ballar. Det er alt i alt ikkje godt nok, me skal spele like godt som dei, avsluttar Ole Martin Tunheim.